Menid ji şex Fexir pirsîye
Tu bi heqî key îlahîye
Irkana mêrê êzidî çîye

Fexir wê badiket surre
Ji keşkula xiwe di înte der durre
Ji mendê xiwera di hûne û vediçirre

 

Firwarek hat ji ‘ezmana
Rêz û risim û hed û sed bo me danane
Êk ji wan , wesîyeta dayik û Babane

Firwar hatîye ji ba melekê celîl
Li hemû wexta li hemû bedîl
Ji berî Isa û Musa û Birahîm el xelîl

Firwar hat ji ba Êzîdê sore
 Bi emrê wî lêda more
Li emrê wî bi weste û lê nebore

Hizra xiwe bike li vê dinê
Bi emrê pedşayî bi tinê
Ewî dana Bab , ewî dana Dê

Ez di bêjme we : hûn neken ji bîr
Ez di bêjme we : xelkê êrifî zana yî jîr
Hûn çu cara bêy Dayik û Baba neken tekbîr

Li ser te ye danaye heqe
Li gel Dayik û Baba neken axaftina reqe
Da ser û zuman li ser we nebin şeqe

Kesanê dilê wan hişte
Ewî dilê terîqeta xiwe ji xiwe hişte
Li axretê yî bê pale yî bê pişte

Heqe tu li wan bikey silave
Û zîyaretî bî li desit û çave
Li hemû suba li hemû gava

Yî şikestîye destê ser rabî
Li dinê û axretê tena nabî
Dê di agirê dojêda terrabî

Ew pîsekî sefîl yî rû reşe
Ew gayekî şaş yî beşe
Mêrê bê Dayik û Baba gava xiwe pavêt û bi meşe

Neh meha tû xudan kirî
Ji av û agir tû dûr kirî
Xewêt şeva li xiwe herm kirî

Bab li ‘erda hostaye
Mal bi wî ye rawestaye
Ta’eta wî ta’eta Xudaye

Heke tû çil çilî bi rojî bî
Heke tû çilêt dî bi micade û ‘ebadet li pê bî
Fayde naket tû ne li ta’eta Dê û Bê bî

Heke tû dilê Dayê şayî nekey
Û dilê Babê tena nekey
Fayde naket , heke tû sed salî ‘ebadet bikey

Heke Dayik û Bab ji te nebine razî
Tû çenid bikeye hawar û gazî
Tû çu cara miraz nabî

Ne bêje tû Deykeke pîrî
Û bê hizreke bê bîrî
Heke bi wê Deykê nebit , tû naçîyê dîwana mîrî

Ne bêje pîremêrekî kale
Û zergûnekî bê hale
Heke bi wî babî nebit , tû naçîye dîwana Xudê te’ale

Ew gava nesax di bin
Ew bê desit û pê dibin
Cayize hingî di xizmet da bin

Bi destî bi gire bi gêrre
Bi Lalişêve bi hinêre
Rehmekê vêrra bi bêre

Vêrra bi de xêre
Û du’ayekê bi ke ji melekê cebêre
Da tû şermezar nebî li gel melkan û mêre